Як аформіць спадчыну на каштоўныя паперы?

Для таго каб аформіць каштоўныя паперы па спадчыне неабходна:

Варыянт 1. Звярнуцца да натарыуса па месцы жыхарства.
Натарыус робіць пісьмовы запыт у дэпазітарый (тэрмін адказу да 15 дзён) для ўдакладнення наяўнасці каштоўных папер на імя памерлага, іх колькасці, рэквізітаў, спосабу набыцця каштоўных папер, выплаты дывідэндаў.

Варыянт 2. Хтосьці з родных звяртаецца ў дэпазітарый, у якім захоўваюцца каштоўныя паперы. Пры сабе мець свой пашпарт і пасведчанне аб смерці. Дэпазітарый выдае даведку аб стане рахунку “дэпо”. Увага! Спосаб набыцця каштоўных папер можа даведацца толькі натарыус!

Натарыус вырашае хто з’яўляецца спадчыннікам, выдае пасведчанне аб праве на спадчыну. Названыя спадчыннікі павінны асабіста (альбо іх прадстаўнікі па даверанасці) звярнуцца ў дэпазітарый для канчатковага пераафармлення каштоўных папер.

Папярэдні запіс і дадатковыя пытанні па тэл. 8 (017 ) 227-0-111, дэпазітарый ЗАТ «ЛiдарIнвест»